D'Rout Bréck soll nei ugestrach ginn. Dës Aarbechten haten och schonn ugefaangen, goufen awer ënnerbrach, well den Entrepreneur faillite war.

D'Faillite hat fir Verspéidung gesuergt, well eng nei Firma huet missen fonnt ginn, seet den Roland Fox, Direkter vu Ponts et Chaussées. Et hätt een de Projet net nei mussen ausschreiwen, ma et hätt een den neie Sous-traitant mussen akzeptéieren. Deen dierft natierlech net méi schlecht sinn, wéi dat wat offréiert gi war. Et misst déi selwecht Qualitéit garantéiert sinn an e misst och seng Autorisatiounen hunn, sou de Roland Fox.

© Domingos Oliveira / RTL

De Roland Fox

D'Käschte vun der Erneierung dierften wéinst der Faillite awer net an d'Luucht goen. An dësem Fall wier de ganze Risiko beim Entrepreneur.

De Roland Fox

3 Milliounen Euro si fir d'Usträichen vun der Rouder Bréck virgesinn. Am Fréijoer 2021 sollen d'Aarbechte fäerdeg sinn.

© RTL-Archiv