RTL - Tëschent Igel a Wasserbilligerbrück: Zwou Persoune bei schwéierem Verkéiersaccident op der B49 ëm d'Liewe komm

Op der B49 direkt hannert der Grenz koum et en Dënschdeg am Nomëtteg zu engem schwéieren Accident, bei deem en Erwuessenen an e Kand ëm d'Liewe komm sinn.

Wéi d'Tréierer Police matdeelt, ass e 46 Joer ale Chauffer aus bis ewell ongekläerte Grënn mat senger Camionnette an de Géigeverkéier geroden a krut do en aneren Auto ze paken. De Chauffer vun der Camionnette ass nach op der Plaz u senge Blessure verscheet, e Kand, wat mat him am Gefier souz, ass spéider am Spidol gestuerwen. D'Fuererin vum aneren involvéierten Auto gouf schwéier blesséiert. D'Streck war temporär fir den Trafic gespaart.

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.