Knapp zwou Milliounen Zigaretten, dat war de Bilan vun enger dach aussergewéinlecher Saisie, mat där d’Lëtzebuerger Douane an de leschte Méint all Hänn voll ze dinn hat. Déi illegal Fracht gouf an enger Liwwerung vu 17 Tonnen am Cargozenter um Findel fonnt. Se koum aus China an sollt an England weidergoen.
De Fall beschäftegt d’Douane schonn eng Zäitchen. Am September hat e Liwweroperateur sech gemellt, esou den Douaneskommissär Yves Lentz.
“Vue dass bei engem viregten Envoi op der englescher Grenz bei enger Kontroll den engleschen Autoritéiten en änlechen Envoi opgefall ass, wou si eng relativ grouss Saisie vun Zigarette gemaach hunn, ass den Operateur un eis erugetrueden, fir ze froen: ‘Hei kënnt Dir déi Sendung eng Kéier mat Äre Moyene kucken, fir sécher ze stellen, net dass mer dee selwechte Fall nach eng Kéier kréien.’”
Nodeems bei Stéchprouwen Zigarette fonnt goufen, sinn dunn déi komplett 17 Tonne Fracht genee ënnert d’Lupp geholl ginn. 3 Méint laang ware 24 Leit op 3 Schichten domat beschäftegt, d’Zigarette waren an 2.400 Post-Päck tëschent ënnert anerem Liewensmëttel a Kleeder verstoppt.
“Mir ware relativ laang domat beschäftegt. Et muss ee soen, all eenzele Pack opmaachen, auspaken, d’Zigaretten eraushuelen, déi legitim Wueren nees an de Pack dramaachen an et esou zoumaachen, dass mer déi legitim Wuere konnte weider à destination goe loossen, dat ass relativ Zäit-intensiv.”
An der Reegel fënnt d’Lëtzebuerger Douane e puer Honnertdausend Zigaretten am Joer, meeschtens sinn dat Passagéier, déi eng oder zwou Staangen ze vill dobäi hunn, an dann nobezuele mussen, sou den Douanesdirekter Alain Bellot.
“Importzoll, wann däers fälleg ass, da kënnt nach d’Accisen, dat ass net der Däiwel vill, plus TVA, déi da fälleg gëtt, plus eng kleng Strof, dat sinn 135 Euro.”
An dësem Fall wäerten d’Zigaretten awer zerstéiert ginn, et sinn zum Deel Marken, déi net an Europa verkaf dierfe ginn, an zum Deel Fälschunge vun hei bekannte Marken, wéi den en Douanescommissaire Yves Lentz erkläert.
“An dësem Fall ass et relativ schwéier fir d’Leit, déi initialement un deem Trafic bedeelegt sinn, fir déi ze strofen, well dat sinn 2.400 Päck gewiescht, dat heescht, mir missten elo 2.400 eenzel Persounen am asiatesche Raum ausfënneg maachen. Ech mengen, ech brauch elo net weider an den Detail ze goen, dass dat eng Saach vun der Onméiglechkeet ass. Wat mer kënne maachen: Mir echangéieren eis op engersäits europäeschem Niveau tëschent den Douanesautoritéiten, anersäits awer och weltwäit, sou dass mer u sech d’Informatioune vun dëser Saisie mat eise Kolleegen am Ausland deelen a si dann op d’Schinn setzen, fir e speziellt Aen op sou Trafficer wéi déi hei ze riichten.”
Déi nei Finanzministesch Yuriko Backes huet vun der Geleeënheet profitéiert, fir sech e Bild vun der Aarbecht um Findel ze maachen an den Douanieren ze felicitéieren.
“Wat hei ganz wichteg ass, dass och an engem EU-Kontext d’Douanë matenee schaffen, matenee schwätzen, en échange d’informations ass op reegelméisseger Basis. Dat gëtt och gemaach, an doriwwer eraus an deem hei konkrete Fall, gëtt jo och mat den Englänner geschwat an zesummegeschafft. Déi Kollaboratioun op deem Niveau ass extrem wichteg an do spillt Lëtzebuerg säi Rôle a mécht do e ganz responsabele Suivi.”
Der Douane no wieren dem engleschen Zoll iwweregens ongeféier 1,5 Milliounen Euro entgaangen, wann dës Zigaretten net fonnt gi wieren.
Zoll beschlagnahmt 1,9 Millionen geschmuggelte Zigaretten aus China
Dem luxemburgischen Zoll (Administration des douanes et accises, ADA) ist ein großer Fund gelungen. Er hat 1,9 Millionen geschmuggelte Zigaretten entdeckt, die aus China kamen und für den britischen Markt bestimmt waren. Das sind rund 14 Paletten. Die Ware war zwischen Kleidung, Schuhen, Lebensmitteln, elektronischen Geräten und persönlichen Gegenständen versteckt. Insgesamt kontrollierte der Zoll für den Fund rund 2.400 Pakete im Cargocenter am Findel. Das entspricht etwa 17 Tonnen Postsendungen. Für diese Sisyphusarbeit waren 24 Zollbeamte drei Monate lang in drei Schichten aktiv.
Yuriko Backes ließ es sich nicht nehmen, persönlich zu kommen. Die Ministerin der Finanzen gratulierte den Beamten der Zollverwaltung: „Sie nehmen vielfältige Aufgaben wahr und schützen unseren Handel, die Konsumenten und unsere Gesundheit. Herzlichen Glückwunsch zu diesem Rekordfund!“ Sie betonte die hervorragende Arbeit des Zolls, der die Evolution der europäischen Regeln ebenso wie jene der Warenströme beachten muss.
Auf die Spur kam der luxemburgische Zoll den Schmugglern dank einer Information aus Großbritannien. Dort hatten die Behörden Ende August 2021 geschmuggelte Zigaretten beschlagnahmt, die in Postsendungen aus China versteckt waren. Die Ware war auf dem Luftweg bis Luxemburg gekommen und dann per Spedition nach Großbritannien gebracht worden, denn aufgrund der Pandemie fanden keine Direktflüge mehr zwischen dem Abflughafen und Großbritannien statt.
Bei einer neuerlichen Lieferung von 17 Tonnen des gleichen Unternehmens im September 2021 wurde der Zoll informiert. Alain Bellot, Direktor der ADA, erklärt das Vorgehen seiner Behörde: „Die ADA hat eine Stichprobe von Paketen mit einem Röntgengerät geprüft und festgestellt, dass in fast allen unverzollte Zigaretten versteckt waren. Daraufhin wurde jedes Paket dieser Sendung einzeln in einer aufwendigen Aktion überprüft – mit Erfolg.“
Die Zigaretten aus dem Reich der Mitte bestehen aus einer Mischung chinesischer Marken sowie bekannten, gefälschten Marken. Die beschlagnahmte Ware wird nun unter Aufsicht vernichtet. Die ADA hat in der Zwischenzeit den Kontakt zu den britischen Behörden intensiviert, um Informationen über die Beschlagnahmungen auszutauschen. Ende 2021 hat der Zoll eine spezielle Task Force für Zigarettenschmuggel gegründet. 2021 überstieg das Frachtvolumen des Luxemburger Flughafens mit 1,125 Millionen Tonnen erstmals die Marke von einer Millionen Tonnen und verzeichnete ein Plus von 19 Prozent gegenüber 2020.
