240 Stonnen Aarbecht am Déngscht vun der Allgemengheet. Dat war d'Uerteel op der Cour d'appel an der Stad géint e Mann, deen am Mee 2017 zu Déifferdeng 3 Ambulanciere menacéiert hat, déi komm waren, fir him ze hëllefen.
An 1. Instanz war hien dowéinst nach zu 6 Méint festem Prisong condamnéiert ginn. Der Verwaltung vun den Hëllefsdéngschter muss hien donieft de symboleschen Euro an den Ambulancieren zesummen 1.300 € Schuedenersatz bezuelen. Ënner anerem hat hien déi 3 bal annerhallef Stonn net aus sengem Appartement erausgelooss.
