Den 112 mellt am Lokalen dräi Accidenter zanter e Mëttwoch den Owend 6 Auer. Zu Waldbriedemes sinn een Auto an ee Moto net laanscht en ee komm. Dobäi gouf eng Persoun blesséiert.
Zu Munneref waren direkt dräi Autoen dra verwéckelt. An um kuerz viru 5 Auer en Donneschdeg de Moien huet et op der A13 tëscht dem Rondpoint Biff a Suessem gerabbelt. An dësen zwee Accidenter gouf och jeeweils eng Persoun verwonnt.
