Um Sonndeg de Moie war et schonn déi 6. Kéier, datt eng offiziell Zeremonie fir den Nationalfeierdag ofgehale gouf.

Déi éischt war jo, nom Regierungswiessel, am Groussen Theater, duerno ass een dann an d'Philharmonie op de Kierchbierg gewiesselt.

Nieft Riede vum Grand-Duc, dem Chamberpresident an dem Premier, gouf d'Zeremonie och musikalesch begleet, an et goufen nees eng Partie Leit ausgezeechent, fir hir besonnesch Verdéngschter ëm Lëtzebuerg, fir hiren Engagement oder och Zivil-Courage.

Distinctions Fete nationale
Dëst Joer goufen am Beräich vun der Kultur direkt dräi ganz bekannte Perséinlechkeeten mam Ordre de mérite ausgezeechent.

Zanter 6 Joer gëtt mat Spannung drop gewaart wien zu de Laureate gehéiert. Duerch besonnesch Leeschtungen am Sport, Benevolat, Kultur oder och Zivilcourage, zeechnen sech des Persounen aus.

Dëst Joer goufen am Beräich vun der Kultur direkt dräi ganz bekannte Perséinlechkeete mam Ordre de mérite ausgezeechent. De Frank Elstner, d’Désirée Nosbusch an de Fernand Fox si jidderengem bekannt.

VIDEO: RTL Spezial: De Resumé vun Nationalfeierdag
An der Philharmonie war op Nationalfeierdag déi grouss Feier, wou 8 Persoune geéiert an sech un de verstuerwene Grand-Duc Jean erënnert gouf.

Dëst Joer goufe vum Grand-Duc ausgezeechent:

  1. Remise de l'ordre de mérite (officier) à Bob Kneip, fondateur de la firme Kneip communication

  2. Remise dans l’ordre de la Couronne de chêne (commandeur) à Jean-Claude Reding, président de l’OGBL

  3. Remise dans l’ordre de la Couronne de chêne (grand officier) à Michel Wurth, jusqu’à récemment président de la Chambre de commerce
  4. Remise dans l’ordre de la Couronne de chêne (commandeur) à Paul Diederich, fondateur et ancien président, actuel vice-président de la Fondation Alzheimer

  5. Remise dans l’ordre de la mérite (chevalier) à Tom Habscheid, record du monde au lancer du poids paralympique dans la catégorie F63 au Grand Prix de para-athlétisme à Dubaï

  6. Remise de l'ordre de mérite (commandeur) à Frank Elstner, journaliste et producteur TV

  7. Remise de l'ordre de mérite (officier) à Désirée Nosbusch, actrice, décorée en 2019 du Grimme-Preis pour son rôle dans le film « Bad Banks »

  8. Remise de l'ordre de mérite (commandeur) à Fernand Fox, acteur, arts de la scène et cinéma

Duerno war et en ergräifenden Ament ...

De 14. Februar dëst Joer wier an der Geschicht vun der Lëtzebuerger Arméi e ganz däischteren Dag, sot de Premier Xavier Bettel.

Duerch eng onkontrolléiert Explosioun um Waldhaff vun enger Bomm aus dem Zweete Weltkrich huet de Service Deminage vun der Arméi zwee Membere verluer, déi fir ëmmer an eiser Erënnerung géife bleiwen. Et waren zwee aussergewéinlech Mënschen, sot de Premier.

Den Adjutant-Chef Mike van de Berg, an den Adjutant-Major Luc Derneden, déi hiert Liewen bei deem trageschen Accident gelooss hunn, goufe posthum mat der Croix d’honneur et de mérite militaire en vermeil avec palmes ausgezeechent, der héchster militärescher Auszeechnung hei am Land.

Aner Memberen vum « Service déminage vun der Arméi » koumen och zu Éiere wéinst hirem Asaz, wou si schwéier verwonnt goufen.

Mat Emotioun denke mir un de schwéier blesséierte Adjutant-Chef John Lanser a wënschen him Courage um Wee vun der Besserung, sot de Premier.

Den Adjutant-Chef, Joe Cottong gouf beim Incident och blesséiert a krut perséinlech vum Grand-Duc d’Croix d’Honneur et de Mérite militaire en vermeil iwwerreecht.

Dernieft huet de Grand-Duc den Adjutant-Major vun der Lëtzebuerger Arméi, den Här Remy Eiffes mam Chevalier an der Couronne de Chêne ausgezeechent. Hien huet mat sengem couragéierten Asaz sengen zwee Kollege Lanser a Cottong de 14. Februar um Waldhaff d’Liewe gerett.

Säi Beispill weist eis alleguerten nees eng Kéier, wéi wichteg et ka sinn, Coursen an éischter Hëllef matgemaach ze hunn, sou de Premier.

AUDIO: Zivil Zeremonie Gielercher - Annick Goerens

D'Riede vum Xavier Bettel, Fernand Etgen an dem Grand-Duc Henri

Et goufen natierlech och wärend der Zeremonie um Sonndeg de Moien 3 Riede gehalen, ugefaange mam Premier Xavier Bettel, duerno war et um Chamberpresident. Zum Schluss huet de Grand-Duc Henri geschwat.

VIDEO: Ried Xavier Bettel
.
VIDEO: Ried Fernand Etgen
.

De Chamberpresident Fernand Etgen ass a senger Ried virun allem op dat agaangen, wat eis als Natioun ausmécht.

Lëtzebuerg wier eng Plaz, wou Mënschen, déi d’Lëtzebuerger Sprooch gären hunn, op Lëtzebuergesch twitteren a simsen, déi awer och bewosst op d’Méisproochegkeet setzen.

Mënschen, déi sech zu Europa, senger Vilfalt a senge Wäerter bekennen.

Mënschen, déi fir Oppenheet, Solidaritéit, Fläiss, Disziplin, éierenamtlechen Engagement, Entrepreneursgeescht an d’Qualitéit vun hirer Aarbecht geschätzt ginn, sou de Fernand Etgen.

Dass et Lëtzebuerg haut gutt geet, géif ee virun allem der Stabilitéit vun der Demokratie verdanken. Dat wier näischt Statesches, ma d’Demokratie géif liewen, géif sech entwéckelen, a misst konstant gefleegt ginn, sot den éischte Bierger vum Land, deen och ervirgestrach huet, dass een Europa géif brauchen, fir de Fridden ze garantéieren. Méi Europa wier déi eenzeg Äntwert an eiser globaliséierter Welt. Et wier suizidär, fir an egoistesch, national, oder souguer nationalistesch Reflexer zréckzefalen. Europa wier net de Problem, Europa wier d’Léisung.

VIDEO: Ried Grand-Duc Henri
.

De Grand Duc Henri huet a senger Ried Merci gesot, fir de grousse Support, déi sëlleche léif Zouspréch a Gedanken, déi hien an déi ganz groussherzoglech Famill nom Doud vum Grand-Duc Jean Enn Abrëll huet dierfen erfueren.

An esou engem Ament vun Trauer, hätt ee gesinn, dass mer als Natioun zesummestinn, sot de Grand-Duc an engem ganz perséinleche Merci.

Eis Natioun wier ënnerschiddlech, mä net gedeelt, huet de Groussherzog ervirgestrach. Kommt mer maachen alles, dass dat och esou bleift. Kee sollt d’Gefill hunn, dass hien zeréckgelooss gëtt.