Bis zu 3 Milliounen Euro kéinten RTL-Informatiounen no iwwert e längeren Zäitraum aus dem Budget vun der Gemeng detournéiert gi sinn.

An der Hesper Märei gouf jo wéi et ausgesäit Schmu bedriwwen. D'Gemeng hat rezent Plainte géint Onbekannt gemaach, wéinst dem Verdacht, datt ëffentlech Suen detournéiert goufen. E Méindeg stoung dat Ganzt am Gemengerot um Ordre du jour a bei där Geleeënheet goufen et e puer weider Detailer: Am Verdacht sti Mataarbechter vun der Gemeng, d'Praktike goufe ganz laang bedriwwen an et geet ëm ganz vill Suen.

AUDIO: Schmu zu Hesper / Reportage Pit Everling

Bis zu 3 Millioune kéinten eisen Informatiounen no iwwer e méi laangen Zäitraum verschwonne sinn. De Buergermeeschter Marc Lies schwätzt iwwerdeems vun illegalen Aktivitéiten, déi wuel méi ewéi zwee Joerzéngte laang gelaf sinn: "Dat dote geet schonn iwwer 20 Joer mat engem gewësse Peak an de Joren 2006, 2007."

Mat Rechnunge gouf getrickst. Wahrscheinlech wier mat zwou "Scheinfirmen", also Firmen ouni Aktivitéit, als Intermediaire geschafft ginn. "Menger Meenung no gesäit et aus, wéi wa se als Broker, wann een dat sou ka soen, tëscht dem Fournisseur an der Gemeng agéiert hätten an e gewësse Brokerage do agestach hätten, dat schéngt mer de Modell ze sinn."

Ma wat genee geschitt ass, dat misst d'Enquête klären. Den Ament sinn zwou eventuell concernéiert Persoune krank geschriwwen. Natierlech wier d'Vertrauensbasis net méi do:

"Momentan hu se hei am Haus näischt méi verluer, si kruten dat och esou gesot. Wa bis déi ganz Enquête komplett leeft, da wäert déi nächst Etappe sécherlech d'Suspensioun sinn."

Wuel géing d'présomption d'innocence spillen, bis konkret Faite constatéiert ginn, esou den CSV-Gemengepapp.

Et géing een déi verschidden Etappe respektéieren. Et wier och net auszeschléissen, datt hei nach aner Leit matgewierkt hunn, op alle Fall géing jiddereen zur Rechenschaft gezu ginn.  Mä wéi ass et da méiglech, datt dat alles net éischter gemierkt gouf?

"De Problem ass deen, datt Beamte mat enger gewësser Positioun a gewëssenem Pouvoir déi Aktivitéite gemaach hunn."

Deeler vun der Oppositioun, notamment déi Gréng, weisen iwwerdeems op eng gewëss politesch Responsabilitéit vun de Schäfferéit bannent deene Joren hin, op alle Fall missten d'Kontrollmechanismen an Zukunft méi effikass ginn.

D'Saach soll iwwregens opgeflu sinn, wéi bei enger Assurance nogefrot gouf, wou Indemnisatioune fir Schied dru wären. Du koum eraus, dass d'Suen net op e Gemengen-, mä op en anere Kont gefloss sinn.

Éischt Reaktiounen

D'Nouvellë vum Detournement a Milliounenhéicht an der Hesper Gemeng ruffen natierlech politesch Reaktiounen ervir, sou um Dënschdeg den Owend déi vun deenen 3 grénge Conseilleren am Hesper Gemengerot.

Wéi et d'Ekipp ëm de Roland Tex schreift, wier d'politesch Responsabilitéit vun der aktueller CSV-Majoritéit, mä och vun de Schäfferéit virdrun engagéiert - bei den Faiten, déi géint d'viséiert Gemengebeamten zréckbehale ginn, geet et deenen Hesper Gréngen no ëm Blanchiment, Vol, Ënnerschloen, Escroquerie an Faux en écriture.

Wéi déi Hesper Gréng schreiwen, misst een och eventuell Korruptioun-Versich hannerfroen, déi et bei Souscriptioune fir Marchéë fir d'Gemeng goufen.

Allemol froen déi Hesper Gréng och en externe Finanz-Audit, fir den Dysfonctionnementer an der Gemeng op d'Spur ze kommen, eppes wat dem Buergermeeschter Lies no, viru 15 Joer geschitt wier, ouni dass d'Recommandatiounen awer zu Conclusiounen deemools gefouert hätten.

Pressecommuniqué déi Gréng Hesper

déi gréng Hesper exige la transparence la plus totale

Suites au conseil communal du 15.7.2019.

La fraction déi gréng de la commune de Hesperange aimerait vous informer que les dysfonctionnements graves au sein de la commune de Hesperange portent sur les faits suivants :

  • détournements de fonds publics
  • blanchiment
  • vol
  • faux en écriture
  • recel
  • escroquerie
  • La somme détournée s’élèverait à plusieurs millions d’euros.
  • Ces exactions auraient eu lieu depuis plus de 20 ans dans la commune.
La fraction déi gréng Hesper qui s’est exprimée durant le conseil communal du 15 juillet 2019 est extrêmement choquée de la façon dont ces exactions ont pu être planifiées et réalisées durant une si longue période sans être détectées par les mécanismes de contrôle. Face au constat de cette énergie criminelle, elle a interrogé le bourgmestre, Monsieur Marc Lies, au sujet des procédures de paiement des factures au sein de la commune et des mesures prises depuis la découverte de ce scandale.

Le conseiller communal de déi gréng, Roland Tex, a demandé si ces personnes ne pouvaient pas être suspendues directement et a également émis l’hypothèse de possibles tentatives de corruption lors d’établissement de marchés pour la commune étant donné que les personnes incriminées étaient en contact direct avec elles et que toutes les pistes possibles devront être suivies.

Roland Tex a également soulevé la question de la nécessité de la mise en place d’un audit externe afin de remédier aux dysfonctionnements au sein de la commune. Marc Lies a répondu qu’un audit a été effectué en 2003-2004 mais que les recommandations de cet audit n’avaient pas été concluantes.

Roland Tex a souligné la responsabilité politique du collège des bourgmestres et échevins actuel, ainsi que celle des collèges des bourgmestres et échevins en place durant la période des faits mentionnés.

La fraction déi gréng Hesper exige la transparence la plus totale dans ce dossier pour rétablir la confiance des citoyens dans leur administration.

Les conseillers de la fraction déi gréng de Hesperange

Carole Goerens, Marie-Lyne Keller, Roland Tex,