Dat, fir der ëmmer méi grousser Demande gerecht ze ginn. Et ass ee Projet vun enger grousser Envergure.

Creos ass jo duerfir zoustänneg, fir Leitungen zur Verfügung ze stellen an domat ze garantéieren, datt genuch Stroum kann transportéiert ginn.
An der Vergaangenheet wieren d'Laascht- an d'Importspëtzt, wat Stroumconsommatioun ugeet, konstant an d'Luucht gaangen. An de leschte 50 Joer ëm de Faktor 10, sou den Alex Michels, Direkter "Asset Management" vu Creos.

Wat den Import ugeet, ginn et hei am Land 2 Leitungen, déi Stroum aus Däitschland importéieren. Eng zu Veianen an eng zu Mäertert.

Tensioune gouf et wéinst dem Projet awer schonn zu Steesel a Luerenzweiler. Den Alex Michels betount awer, dass besonnesch am Uelzechtdall méi Masten a Leitunge wäerte verschwannen, wéi neier gebaut ginn. De ganze Posten Heeschdref wäert verschwannen, sou dass et do eng Augmentatioun vun der Liewensqualitéit wäert ginn. Déi nei Masten a Verspaanungszentre géife generell manner Plaz brauche wéi déi al. Héichspannungsmasten ënnerierdesch ze verleeën, géif iwwregens 5 mol méi deier ginn.

An engem Rapport vun 2018 heescht et och, dass du scho 75 Prozent vun der Netzkapazitéit erreecht war, wat bedeit, dass de Projet néideg ass.

D'Fro ass, ob de Projet 380 wéinst dem geplangten Datazenter zu Biissen néideg gouf. Dat huet den Alex Michels esou net wollte bestätegen. Et bräicht een den Upgrade, onofhängeg dovun ob Google den Dazenzenter baut oder net.