Meteolux hat fir en Donneschdeg eng Alerte Jaune "Avis de Neige" fir dat ganzt Land erausginn. Nom Frascht nuets, goufen et e Freidegmoie vill Accidenter.

Schnéi a glat Stroossen hunn en Donneschdeg den Owend a bis e Freideg de Moie fir eng ganz Rëtsch Accidenter gesuergt. Den ACL hat en Donneschdegowend eng 20 Accidenter queesch duerch d'Land gemellt: Gefierer, déi gerutscht sinn, am Gruef gelant sinn oder hänke bliwwe sinn.

Am Policebulletin um Freideg de Moien ass esouguer vun 62 Accidenter Rieds. Bei 3 Accidenter goufe 5 Persoune liicht blesséiert. Si koume fir eng Kontroll an d'Spidol.

Auto iwwerschloen tëscht Obeler a Leideleng , weider Accidenter a Stauen

De ganzen Dag iwwer hat et geschneit, net nëmmen op de Koppen, e bësse manner Schnéi huet den Osten ofkritt.

Um Freideg de Moie misst een oppassen op Glatäis. De Schnéi war deels gefruer an net iwwerall waren d'Stroosse geraumt. Zu Bierchem war d'rue du bois gespaart, nodeems e Streewon vun der Strooss ofkomm war. Tëscht Réiser an Alzeng war e Bus an de Summerwee geroden an hat d'Strooss blockéiert.

E sëllegen Accidenter um Freideg de Moien
Nodeems et en Donneschdeg geschneit hat, en et iwwer Nuecht Minustemperature gouf, waren d'Stroossekonditiounen e Freideg de Moien alles anescht wéi einfach.
Accident zu Zolwer / © Domingos Oliveira / RTL
© Domingos Oliveira
© Domingos Oliveira / RTL
© Domingos Oliveira / RTL
Äischen / © Domingos Oliveira / RTL
Zu Duelem ass et wäiss um Donneschdeg de Moien / © RTL Mobile Reporter / Pam Fiegen
Am Pommerlach sinn um Donneschdeg Moie scho puer Zentimeter gefall. / © RTL Mobile Reporter
Tëscht dem Tunnel Grouft a Stafelter stoung den Trafic géint 8.25 Auer um Donneschdeg de Moien. / © RTL Mobile Reporter
Schnéi zu Dippech-Gare (7.31 Auer) / © Alain Gales
© RTL Mobile Reporter / Roger Bourg

Éischt Meldunge vu wäisse Stroosse koumen e Freideg de Moien ënnert anerem vun Duelem, Dippech an aus dem Pommerlach. Dem Meteo-Radar no dierft et de ganzen Dag schneien, dat virun allem am Südwesten.

Weider wanterlech Impressiounen aus dem Grand-Duché

Wanterfeeling tëscht Heischent a Buerschent (15.1.21)
© Ketty a Rom Hankes
E verschneite Moien zu Lëtzebuerg (15.1.21)
© Roland Miny
AP Rëmerech am Schnéi (15.1.21)
© Ketty a Rom Hankes

Wiederprevisiounen

E Freideg den Owend bleiwe mer vun neiem Schnéi verschount, et gëtt awer batter kal mat Temperature vu -4 bis -9 Grad. Am Éislek kann et sou nach eng Grëtz méi kal ginn.

E Samschdeg bleift et kloer. Am Nomëtteg zéien awer nees méi Wolleken op, déi och nees neie Schnéi mat sech bréngen. 4 bis 8 Zentimeter si méiglech. Am Laf vum Owend, erwaart gëtt 18/19 Auer, wäert et ufänke mat Schneien. An der Nuecht op e Sonndeg heescht et gutt oppassen am Trafic, et besteet d'Gefor vu Glatäis.

E Sonndeg erwaart eis am Ufank nach Schnéi, deen a Schnéireen a Reen wäert iwwergoen. Vun den Temperaturen hier, gëtt méi mëll mat knappe Plusgraden.