Wéinst der aktueller Situatioun an der Corona-Pandemie kënnt et nees méi dacks zu Ofsoe vun Evenementer.

Hei en Iwwerbléck vun den Annulatiounen, déi d'RTL-Redaktioun bis ewell matgedeelt krut.

Hutt Dir och en Event, dee wéinst der aktueller Covid-Pandemie muss ofgesot oder verréckelt ginn, sot eis Bescheed via eis Email ofgesot[at]rtl.lu.

Lokal

Beefort: Optrëtt vun de Makadammen de 6. Februar ass op sonndes, de 27. Mäerz verluecht.

Dikrech: Cavalcade gëtt vum 27. Februar 2022 op den 8. Mee 2022 verluecht.

Esch:

  • Déi 3 Ausgabe vun der Serie "En Instrument wat bei mech passt", déi fir de 15. an den 29. Januar virgesi waren, sinn ofgesot a ginn duerch eng „Porte Ouverte - on demand“ ersat. All interesséierte Schüler huet d'Méiglechkeet dat Instrument an de Cours, déi hien interesséieren, z'entdecken. Dofir geet et duer ee Rendez-vous iwwer d’Adresse porte-ouverte.conservatoire@villeesch.lu auszemaachen.

Eschweiler: Kannerfuesbal vun der Amicale vun den Eeschweller Pompjeeën de 27. Februar ass ofgesot.
Fëschbech-Schous-Angsbreg: Virstellungen den 23., 28. a 29. Januar 2022 vum Theaterveräin sinn ofgesot.

Foulscht: Theaterowender vun den Theaterkäpp den 29. an 30. Januar an de 4. a 5. Februar 2022 sinn annuléiert.

Hengescht: De Gala-Concert vun der Hengeschter Musek gouf vum 22. Januar op den 10. Abrëll verluecht.

Iechternach: Harmonie Municipale seet Neijoerschconcert den 30. Januar am Trifolin of of

Keespelt: Gala-Concert vun der Musek de 5. Februar an der Musekshal ass ofgesot. Neien Datum ass de 14. Mee.

Käerjeng: D'HMB-Supporters, d'Frënn vun der Käerjenger Musek, soen de Floumaart am Käerjenger Treff den 30. Januar of.

Luerenzweiler: Galaconcert vun der Musek den 29. Januar op e spéideren Datum verluecht.

Mäerzeg: Concerte vu Lyra Ettelbréck vum 5. a 6. Februar op 14. a 15. Mee verluecht

Neiduerf: Theaterekipp vun der Fanfare Neiduerf-Weimeschhaff seet d'Virstellungen den 4., 5., a 6. Februar 2022 of.

Réiser: Annulatioun vun der Modeleisebunnsbourse de 6. Mäerz. Leit, déi hiren Dësch reservéiert a bezuelt hunn, kréien hir Suen zréck iwwerwisen.

Schëffleng:

  • D'Virstellunge vum Schëfflenger Theater den 23., 28., 29. an 30. Januar goufen op de 5. bis den 8. Mee verluecht. D'Tickete bleiwe valabel oder kënne rembourséiert ginn.
  • Déi 32. Editioun vun der Schëfflenger Kavalkad de 6. Mäerz ass ofgesot.

Schëtter: Ekipp vu Schëtter Theaterfrënn huet Theaterowenter vum 28., 29., 30. Januar 2022 a vum 4., 5., a 6. Februar 2022 annuléiert.

Weiler zum Tuer:

  • D'Wanterfest vum FC Weiler-la-Tour den 30. Januar ass ofgesot.

Sport

De Bureau Executif vun der LASEP informéiert, datt op Grond vun der aktueller COVID-19 Situatioun d’ASSEMBLÉE GÉNÉRALE LASEP an der Maison du Savoir zu Esch-sur-Alzette op den 19. Mee 2022, 17.00 Auer, reportéiert ass.

D'Luxembourg Bowling Federation kënnegt un, datt d'Saison 2021/2022 nach bis de Januar mat pauséiert gëtt.

De Bureau Executif vun der LASEP informéiert, dass opgrond vun der aktueller Covid-19 Situatioun folgend Manifestatiounen ofgesot sinn:

27. Januar 2022 - Promotion de Balle zu Stroossen
08. Februar 2022 - Basketsfest um Briddel
03. Mäerz 2022 - Butzendag an der Coque

FLA: Den internationalen (CMCM) Meeting den 30. Januar an der Coque gouf elo och annuléiert. Op Säite vun der FLA hofft een, datt een déi 20. Editioun vun dëser Kompetitioun elo dat nächste Joer kann organiséieren.

LASEL: D'Assemblée générale den 1. Februar am Lycée Edward Steichen zu Clierf gouf op den 3. Mee um 16 Auer verréckelt, dat heescht, wa sech d'Situatioun bis dohi berouegt huet.

Basket: D'Coupe-Halleffinallen am nationale Basket, déi fir den éischte Weekend am Februar am Gymnase vun der Coque geplangt waren, ginn an de Mount Mäerz verluecht.

Wanterlaf vun der Gemeng Leideleng fir den 30. Januar ofgesot. E gëtt den 10. Juni nogeholl.