RTL - "Top Secret": E Relikt aus der industrieller Vergaangenheet: De Silo vun der Zettinger Millen

Et ass e Gebai, wat an d’Ae stécht. Et kuckt iwwer Bettenduerf, monumental, scho bal e bësse mysteriéis.

De Silo vun der Zettinger Millen ass méi wéi just e verloossent Industriegebai. Et ass ee Stéck Regionalgeschicht.

Joerzéngtelaang sinn hei Käre stockéiert ginn. An och am Éischten an Zweete Weltkrich huet de Silo eng wichteg Roll gespillt. Haut steet en eidel.

Top Secret - De Silo vun der Zettinger Millen (17.9.25)

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

D’Maschinnen hu scho viru laanger Zäit opgehal mat dréien, ma déi markant giel Mauere sinn Zeie vun haarder Aarbecht an dem Enn vun enger Ära. Wéi geet et weider mam Silo, deen haut der Gemeng gehéiert? A wéi eng Geschichte verstoppe sech op dëser geheimnisvoller Plaz?

Am “Top Secret” geheie mir e Bléck hannert d’Fassad vum Silo!