Vun engem Lieser goufe mir dorop higewisen, datt en e verdächtege Mail mat enger lukrativer Offer krut, déi angeeblech vum Staat kënnt.

Dem Lieser ass dobäi allerdéngs opgefall, datt den Ofsender vun der Mail "etal.lu" amplaz vun "etat.lu" a senger Mailadress stoen hat. E wichtegen Detail, deen engem schwaachen A liicht entgoe kéint.

An der Mail steet Folgendes:

Von: MyRH Gesendet: Mittwoch, 17. September 2025 14:41 Betreff: MyRH : Nouvelle prime disponible !  Chers collègues, Saviez-vous qu'un nouveau programme de récompense est disponible sur MyRH ? Afin d'encourager la stabilité et la performance au sein de la Fonction publique, nous sommes ravis de vous annoncer l'arrivée de la prime d'assiduité. Cette prime sera attribuée aux agents qui démontreront une excellente présence au travail en minimisant les absences pour maladie. Pour profiter de cette offre, connectez-vous à MyRH en cliquant ici. Suivez les instructions simples et remplissez le formulaire pour postuler et obtenir la prime d'assiduité. Pour faire part de votre intérêt à ce programme et accéder aux informations détaillées sur son fonctionnement, veuillez consulter le portail MyRH dès maintenant ! Besoin d’aide ? Rendez-vous sur MyRH pour découvrir les services disponibles, consulter la FAQ ou nous contacter directement via le formulaire en ligne. 
 
LE GOUVERNEMENT DU GRAND-DUCHÉ DE LUXEMBOURG Centre de gestion du personnel et de l’organisation de l’Etat 10, avenue John F. Kennedy . L-1855 Luxembourg www.cgpo.public.lu . www.fonction-publique.public.lu . www.gouvernement.lu

RTL

Screenshot vun DNS.lu

Sicht een no der Adress op DNS.lu, gesäit een, datt de Createur vun dëser Arnaquë-Mail sech nawell Gedanke gemaach huet: D'Domaine "etal.lu" ass effektiv registréiert op de CERT Gouvernemental, allerdéngs mat der Adress 50 Rue du Château zu Senneng, wat awer d'Adress vum Sennenger Schlass ass. Déi richteg Adress vum CERT Gouvernemental ass d'46 Rue du Château zu Sennung, an deenen hir Homepage ass och www.govcert.lu.

Ob de Mail bis ewell nëmmen Employéeën aus der Fonction publique kruten, ass den Ament net kloer.

RTL huet op den néidegen Instanze Bescheed gesot a soubal mer weider Informatioune kritt hunn, aktualiséiere mer dësen Artikel.