Den Nationalrot vun der CSV war zesummen, fir driwwer ze diskutéieren, ob d'Méiglechkeet op Ofdreiwung soll an d'Verfassung stoe kommen.

Déi ganz grouss Majoritéit vum Gremium ass dofir, datt an d'Constitutioun stoe kënnt, datt eng Fra d'Fräiheet huet, hir Schwangerschaft ofzebriechen, ënnert de Konditiounen, déi am Gesetz virgeschriwwe sinn.
 
D'CSV ënnersträicht, datt si op déi Manéier hire kloren Engagement fir d'Fraerechter an d'Fräiheet vum Choix ënnersträicht.
 
Déi Chrëschtlech-sozial ënnersträichen, datt si sech mat hirem Koalitiounspartner zesummesetzen an och mat deenen anere politesche Parteien, déi an der Chamber vertruede sinn, fir ze kucken, datt ee fir den Text e Konsens fënnt, dee sou breet wéi méiglech ass, esou datt déi zukünfteg konstitutionell Garantie eng gréisstméiglechst Legitimitéit kritt.
 
De Kardinol Hollerech hat jo am RTL Background ënnerstrach, datt den Avortement op kee Fall dierft an d'Verfassung stoe kommen. D'kathoulesch Kierch hat dës Positioun Enn lescht Woch och nach emol widderholl.