Et ass net ëmmer einfach mat 6 verschiddene Personalvertriedungen an der Police ze diskutéieren, sou den zoustännege Minister Etienne Schneider um Dënschdeg de Mueren am RTL-Interview. Déi schlecht Stëmmung am Police-Corps géif sech awer leeën, wann d'Policereform bis ëmgesat ass.
D'Reform wier op der leschter Ligne droite a se géif Police a Bierger eng Plus-value bréngen, sou den Etienne Schneider.
D'Gewerkschafte wieren och iwwert d'Ëmsetze vun der Reform informéiert ginn, just nach net iwwer Amendementer, déi nach an der Maach sinn.
D'Policereform soll nach virun de Wahlen ugeholl ginn.
D'Policereform ass op der leschter ligne droite. Ma et gëtt vill Kritik um Text, notamment vun der Policegewerkschaft SNPGL.
Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.
LIVESTREAM: RTL Radio Lëtzebuerg live lauschteren
