Dëst Joer si knapp 1,3 Milliounen SMSe bei der Post erausgaangen. Dat ass eng Baisse vun 13 Prozent am Verglach mam leschte Joer.
Et goufen 39.000 MMSe geschéckt, dat ass e Minus vun 8.500 Stéck. Par konter geet d'Benotze vum mobillen Datevolume weider an d'Luucht, dat ëm 24 Prozent am Verglach mat zejoert.
Änleche Constat bei Tango: An der Silvesternuecht ass den Datentransfer ëm 8 Prozent eropgaangen am Verglach zum Virjoer. Dat wier virun allem op de Roaming zeréckzeféieren, well den Trafic aus dem Ausland hätt 24% ausgemaach, 2018 waren et just 16%.
Dogéint goufe 7% manner SMSe verschéckt tëscht Hallefnuecht an 1 Auer moies vum neie Joer. Zanter 2014 géif et déi Tendenz ginn, ma se wier am Gaangen, sech ze stabiliséieren.
Et goufen dann och 8% manner Appelle gezielt.
Fir ze wënsche gouf dann och am meeschten op de mobillen Internet zeréckgegraff: WhatsApp, Facebook, Snapchat an ëmmer méi dacks och op Videomessagen.
