MeteoLux hat en Dënschdeg den Owend kuerz virun 20 Auer en Avis de vigilance erausginn.
Vun offizieller Säit gouf bis elo nach kee Schued matgedeelt, ma op de soziale Reseaue konnt een um Dënschdeg den Owend, respektiv an der Nuecht op e Mëttwoch e sëllege Fotoen a Videoe gesinn, vun heftegen Donnerwiederen, respektiv vu Knëppelsteng, déi erofkomm sinn.
Meldunge koumen ënnert anerem vun Housen, Buerschent, Viichten, dem Angelsbierg, Wuelessen a Feelen.
