Aktuell si vun den 900 geliwwerten Tute mat engem 10% THC-Taux, der nach 300 beim Grossist am Stock. Fir den nächste Mount ass déi nächst Liwwerung vu medezineschem Cannabis geplangt.
Cannabisbléie mat 18% THC ginn et aktuell keng.
Datt et zu Enkpäss vun dëser Substanz koum, ass der Gesondheetsministesch no net op Budgetsrestriktiounen zeréckzeféieren, mee villméi op Liwwerproblemer beim Cannabis-Produzent.
Op d'Quantitéiten, déi d'nächst Joer akaaft ginn, wollt d'Paulette Lenert net agoen. Et géif sech um Verbrauch um Terrain orientéiert ginn.
Dat äntwert d'LSAP-Ministesch op eng parlamentaresch Fro vum Piraten-Deputéiere Sven Clement.
