D'Entwéckler vun der wäit verbreeter Programméiersprooch PHP haten e Mëttwoch jo virun zwou kritesche Sécherheetslücke gewarnt, déi et Hacker erméigleche kënnen, ouni Login oder Passwuert e schiedleche Code op engem Webserver auszeféieren.
De Probleem wier relativ grouss. PHP wier nämlech eng vun de meescht genotzte Programméiersproochen, fir Internetsäiten ze maachen. Et gëtt geschat, datt bis zu 70% dës notzen. Zu Lëtzebuerg sinn et wäit iwwer 5.000 Sitten. Preventiv goufen dowéinst eng ganz Partie Internetsäiten offline geholl, bis de Sécherheetsupdate gemaach ass.
Dat wier och dat eenzegt, wat den Utilisateur géif matkréien. Am schlëmmste Fall hätten awer ganz Sitte kënne vu Kriminellen iwwerholl ginn Den Update dauert nëmmen e puer Minutten, jee no Site. Well et awer Honnertdausende concernéiert Sitte sinn, kéint et awer daueren, bis d'Gefor ganz aus der Welt geschaaft ass, sou nach den Expert Pascal Steichen.
