Cellule d’évaluation des risques intempéries et inondationsRisiko vun Dimmere klëmmt, lokal kéint et ongemittlech ginn

No respektiv mat der Hëtzt klëmmt de Risiko vun Dimmeren an doduerch kéint et an den nächste Stonne lokal ongemittlech ginn. D'Cellule d’évaluation des risques intempéries et inondations - an där den Haut Commissariat a la Protection Nationale, Meteolux, d'Santé, de CGDIS a vill anerer vertruede sinn - mécht den Appell u jiddereen, fir e Sonndeg den Owend an an der Nuecht op e Méindeg opzepassen.

© Screenshot Meteolux

Well bis e Méindeg ass mat zolitte Wiederen ze rechnen, och Wandstéiss, vill Reen a Blëtz. D'CERI réit de Leit, präventiv Mesuren z'ergräifen:

• Prabbelien an aner Gaardemiwwelen eranhuelen,
• versécheren, dass d'Offlëss fräi sinn,
• sech net onnéideg deplacéiert wärend engem Wieder,
• sech net ënnert isoléiert Beem stellen an iwwerhaapt net a Bëscher goen.

Et gëllt virsiichteg ze sinn.