An eiser Emissioun am Gespréich um Freideg iwwer Sport haten de Gilles Muller an de Franky Hippert d'Tina Welter tëscht 12 an 13 Auer op Besuch.

D'Handballspillerin ass déi éischt Lëtzebuerger Damm an hirer Sportaart, déi an der Elittesportsektioun vun der Arméi ass. Doduerch ka si hire Sport och professionell maachen.

Audio Am Gespréich Tina Welter

Mat hire 26 Joer spillt d'Welter an der zweeter däitscher Bundesliga bei Waiblingen. Um Freideg an um Samschdeg huet déi nei-forméiert Lëtzebuerger Dammen-Handballnationalekipp zwee international Frëndschaftslännermatch géint d'USA. Enn Mee steet dann a Griicheland e Prequalifikatiounstournoi fir d'Europameeschterschaft um Programm.

D'Emissioun "Am Gespréich ..." vu méindes bis freides tëscht 12 an 13 Auer op RTL Radio Lëtzebuerg an am Livestream op RTL.lu, wou duerno och de Replay (Audio a Video) ze fannen ass.

AUDIO: Tina Welter am Gespréich / Reportage Franky Hippert