En Donneschdeg de Moie war den LSAP-President den Invité vun der Redaktioun an et goung ëm d'Sujete Klima a Logement.

"Jidder Eenzelen muss sech froen, ob säi Liewensstil dee Richtegen ass, am Sënn vum Klimaschutz."

Dat sot de Franz Fayot um Donneschdeg de Moien als eisen Invité vun der Redaktioun.

Den neien LSAP-President hat viru Kuerzem e Bréif publizéiert, deen als Denkustouss geduecht war. En Appell un d’Politik, dass ee vläicht méi wäit soll denken a méi couragéiert Léisungen an d’A faassen.

Hie wéilt keng Politik géint d’Leit maachen, a stéing och voll hannert der Regierungskoalitioun, mä trotzdeem wier him opgefall, dass beispillsweis an den Diskussiounen ëm de Klimawandel oder de Logement dacks awer nach gezéckt gëtt, amplaz radikal Mesuren ze treffen.

De Franz Fayot huet sech optimistesch gewisen, dass zum Beispill eng Reform vun der Grondsteier, d’Riicht kéint halen, obwuel se juristesch jo awer net onëmstridden ass.

Wat déi annoncéiert Hausse vun den Accisen op Bensin an Diesel ugeet, mengt den LSAP-Chef, dass dat sécherlech net "déi grouss Revolutioun wäert sinn". Méi wichteg wier et den ëffentlechen Transport qualitativ héichwäerteg auszebauen.

AUDIO: Invité vun der Redaktioun: Franz Fayot

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.