Den Direkter vum Comité national de défense sociale war um Dënschdeg eisen Invité vun der Redaktioun.

Zu Leideleng waren e Méindeg déi éischt assises sociales, wou ënnert anerem de Revis ee vun de Sujete war. Zanter 5 Méint ersetzt dëse jo elo den RMG, an nach wier et ze fréi fir en éischte Bilan ze zéien.

Dat sot um Dënschdeg de Moien de Raoul Schaaf, den Direkter vum CNDS, dem comité national de la défense sociale, als eisen Invité vun der Redaktioun.

Et géif een awer gutt mierken, dass et sech wierklech ëm en neit Gesetz handelt, an net just ëm eng Revisioun vun engem alen Text.

Mat Sécherheet missten an den nächste Wochen a Méint awer nach Detail-Froen nogebessert ginn. Sief et beim Profiling, dee méi séier a méi präzis misst geschéien, oder bei Onkloerheete bei Leit mam „statut handicapé“.

E Méindeg hätt een awer gemierkt, dass ee bei de Ministeren Kersch an Cahen do net op daf Ouere gestouss wier.

AUDIO: Invité vun der Redaktioun: Raoul Schaaf

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.