E Mëttwoch de Moie war de President vun der ABBL eisen Invité vun der Redaktioun.

Wann ee well eng ganz Ekonomie stäipen, da kann net een Acteur dat eleng maachen. De President vun der Bankenassociatioun ABBL, de Guy Hoffmann sot e Mëttwoch de Moien hei op RTL, d’Banken wiere wuel bereet de Betriber mat neie Kreditter oder souguer Restrukturatiounen vu Scholden di scho bestinn ze hëllefen. Allerdéngs misst ee gutt oppassen, datt een net de Risk op d’Banken transferéiert an den Aascht ofseet op deem ee sëtzt.

Den Impakt vun der Corona-Kris op d’Banke géing sech iwwerdeems op 3 Niveauen opspillen, sou de Guy Hoffmann. Éischtens och bei de Banke feelt et u Personal.

Zweetens komme manner Clienten, wat och manner Geschäft bedeit.

An Drëttens: d’Finanzmäert dréie mi lues.

Invité vun der Redaktioun: Guy Hoffmann

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.