E Mëttwoch de Moie war de President vun der Horesca eisen Invité vun der Redaktioun.

Duerch d'Coronavirus-Kris hätte Restauranten, Hoteller an Caféë  Verloschter gemaach, déi een net méi kéint eran huelen. Dat sot den Horesca-President Alain Rix am RTL-Interview um Mëttwoch de Mueren.

Wann de Confinement nach zwou Wochen dauert, da missten eng ganz Partie kleng Betriber zou maachen. 15 bis 20% sou gëtt gefaart.

20.000 Leit schaffen am Secteur. De chômage partiell wier e gudden Outil, mä et misst een deen och nach nom Confinement kënnen oprecht erhalen, sou eng Fuerderung vum Horesca-President Alain Rix, deen och bedauert, datt d'Brauereien de Betriber beim Loyer, bis ewell, nach net entgéint komm wieren.

D'Horesca wier och am gaangen hir Exit-Strategie ze preparéieren, notamment wat d'Hygiènes- Mesuren fir Personal a Clienten ugeet.

Invité vun der Redaktioun: Alain Rix

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.