Wéi soll d’Press mat 2025 ëmgoen?
Pensiounsdebatt, Aktiounsplang géint Aarmut, Aarbechtszäit-Flexibiliséierung a Steierreform: 2025 leeft d’politesch Aarbecht ënner CSV-DP-Dominanz.
International gesi bleiwen d’grouss Themen: de Krich an der Ukrain an am Noen Osten, d’Walen an Däitschland, d’USA an d’Welt mam Trump a Musk, d’Äntwert vun der EU op ëmmer méi geopolitesch, wirtschaftlech a gesellschaftlech Tensiounen.
Wat erwaart eis a wéi solle Politik, Leit, mee och d’Press mat all deene Sujeten ëmgoen?
Eis Invitéë waren
D’Ines Kurschat vum Lëtzebuerger Wort
De Pol Reuter vu Reporter.lu
An den Armand Back vum Tageblatt
De Presseclub héiert Dir all zweete Sonndeg kuerz no 11 Auer op RTL Radio Lëtzebuerg, am Livestream op RTL.lu an op RTL Play, wou Dir d'Emissioun dono och an der Rubrik Radio bei den "Emissiounen" fannt.
