D’Haute-Garonne dat sinn d’Pyrenäen am Süde vum Departement, mat 18 Sommete vun iwwer 3.000 Meter an ass eng ideal Kuliss fir d’Amateure vum Wanderen.
D'Garonne ass awer nach eng sëlleche Saache méi!
De Floss Garonne, dee bis op Toulouse duerch d’Däller an d’Flaachland leeft an dobäi ëmmer méi grouss gëtt. De Canal du Midi, laanscht deen eng Vëlospist féiert, sicht sech e Wee tëschent den zwee Mierer.
Et sinn awer och déi majestéitesch Silhouettë vun der Kathedral Sainte-Marie de Saint-Bertrand-de-Comminges (gëllt als schéinst Duerf vu Frankräich!) an der Basilika Saint-Sernin zu Toulouse, de Marber vu Saint-Béat, de Pastel vum Pays de Cocagne (dës ausgefale Planz, déi am XVI. Joerhonnert fir hiert blot Pigment geziicht gouf), d’Konscht vun der Faïencerie vu Martres-Tolosane, déi vum Meuble de Revel, déi d’Leit verzauberen - also all d’Inkarnatioune vum traditionelle Savoir-faire deen haut nach besteet.
Sech et gutt schmaache loosse mat den exzeptionelle Platen a bekannte lokale Produiten a mat de Wäiner vu Fronton oder dem mofe Knuewelek vu Cadours.
Eng Liewensaart, déi Iech mat gréisster Generositéit offréiert gëtt a vun där Dir Iech op alle Fall ustieche loosse sollt!
Toulouse ass d’Haaptuertschaft vun der Haute-Garonne, eng Metropol mat villen Atouten, déi d’Entrepreneuren an d’Touristen unzitt. Eng Stad, déi wirtschaftlech Performancen, e wonnerschéine Patrimoine, e kulturelle Räichtum an eng Gastronomie vu Qualitéit verbënnt ... Si ass zugläich wëssensräich a lieweg, a bitt e sonnegt Klima an en Temperament bei deem d’Freed grouss geschriwwe gëtt.
Kommt an entdeckt dës Stad, déi och nach “Ville rose” genannt gëtt. Wat erwaart Iech? Abenteuer! Dat vun der Aviatioun, dem Weltraum an de Wëssenschaften, ma och Äert eegent, mat exzeptionelle Coup-de-coeuren, déi duerch lecker gastronomesch Etappen ënnerstrach ginn.
Egal ob een Toulouse fir d’éischte Kéier besicht oder regelméisseg dohinner geet, d’Ville rose iwwerrascht ëmmer erëm duerch seng Schéinheet. Seng Architektur zeechent sech virun allem duerch d’Zillen a d’romanesch Daachzillen aus, dräi Sitte stinn op der Lëscht vum Weltpatrimoine vun der Unesco, seng Muséeë verzielen zwee Dausend Joer Geschicht, eng honnerte vu Villaen erënneren un d’gëllent Zäitalter vum Pastel ... ouni dobäi de Charme vu sengen erhalene Fassaden a Gässelen, senge ville Mäert, Cafésterrassen a Stäre-Restauranten ze vergiessen.
Vun der Éole vum Clément Ader bis den A380 an A350 – Toulouse ass ambitiéis a verdéngt ouni Zweiwel den Titel vun der Welthaaptstad vun der Aviatioun. D’Visiteure kënnen hei hire Virwëlz stëllen. Freed an Experimenter sinn am Muséum an am Quai des Savoirs garantéiert. Den Universum gëtt an der Cité de l’espace erkläert, d’Exploite vu legendäre Fligere ginn et op de Montagelinne vun Airbus ze entdecken, am Musée Aeroscopia oder um neie Site vu La Piste des Géants, treffen d’Pionéier vun der Loftpost (wéi den Antoine de Saint-Exupéry) op impressionnant Kreature vu La Machine (ënner anerem den onwahrscheinleche Minotauros).
Bis geschwënn an der Haute-Garonne! Nei Fluchverbindung mat Ryanair / 3 Mol pro Woch!
