Virun der Summerpaus konnt den Chester Kieffer zu Budapest net nëmme säin zweete Supercup-Podium hannertenee feieren, mä de Schumacher-CLRT-Pilot huet domadder och d'Spëtzt am Rookie-Klassement iwwerholl. Elo steet mat Zandvoort en extreem wichtege Weekend um Programm. Net nëmmen, dass hei zwou Supercup-Coursse gefuer ginn, mä et ass och deen zweetleschte Weekend am Championnat. Vill 911-Pilote wäerten deemno motivéiert – iwwermotivéiert? - sinn, fir sech virun der grousser Finall zu Monza an eng gutt Positioun ze bréngen.
Suivéiert de PORSCHE MOBIL1 SUPERCUP ZANDVOORT 2026 mat Lëtzebuerger Commentaire live op RTL ZWEE an RTL PLAY.
Wéinst de méi strengen Anti-Piratage-Virschrëfte vun der Formel 1 sinn och d’Porsche-Supercup-Contenuen op RTL PLAY elo mat engem Login protegéiert. Wien d’Livestreamen an d’Highlights vun de Porsche-Supercup-Courssen op RTL PLAY kucke wëllt, muss sech mat sengem RTL-Benotzernumm an -Passwuert aloggen. Och an Zukunft brauch een awer wuelverstanen näischt fir de Porsche Supercup op RTL PLAY ze bezuelen.
Course 1, mir iwwerdroen de Programm vun RTL ZWEE um RTL Play
Samschdeg, 22. August 2026:
Ufank vun der Emissioun: 17:55
Depart vun der Course: 18:00
Viraussiichtlecht Enn vun der Emissioun: 18:45
Commentaire: Tom Nols
Course 2, mir iwwerdroen de Programm vun RTL ZWEE um RTL Play
Sonndeg, 23. August 2026:
Ufank vun der Emissioun: 11:40
Depart vun der Course: 11:45
Viraussiichtlecht Enn vun der Emissioun: 12:30
Commentaire: Tom Nols
