Des Woch geet et am Podcast Drëtt Hallschent ëm d‘Betreiung a Professionaliséierung vun de Spëtzesportler hei am Land.

Dowéinst hu mir eis och doriwwer ënnerhalen, wéi dëst am Kader vun engem „Performance Team“ op den olympeschen Spiller zu Paräis ofgelaf ass.

De Frédéric Margue an de Jérôme Pauls schaffe fir de LIHPS. De Frank Muller ass Sportpsycholog am Sportlycée. Déi 3 hunn dem Jeff Kettenmeyer erzielt, wéi hir Aarbecht zu Paräis ausgesinn huet a wéi wichteg et ass, datt Lëtzebuerg sech do méi professionell opgestallt huet.

Donieft geet et ëm Zesummenaarbecht vun de verschiddene Beräicher am Fall vun enger Blessur vun engem Sportler, respektiv wéi och de Support virun a no enger Competitioun, wéi zum Beispill zu Paräis bei Olympia, ausgesäit.

Dee ganze Podcast mam Frank Muller, Frédéric Margue an Jérôme Pauls gëtt et wéi gewinnt op RTL Play.

Podcast Drëtt Hallschent Episod 162: Muller/Margue/Pauls

Déi ganz Episod vum Podcast "Drëtt Hallschent" fannt Dir wéi gewinnt op RTL Play.