E Samschdeg ginn um Dribbel zu Bascharage déi éischt Titele vun der neier Handball-Saison verdeelt. Am Supercup sti sech vu 15:00 Auer u bei den Dammen de Champion Diddeleng an de Coupe-Gewënner Käerjeng géintiwwer. Um 17:30 Auer ass et un den Hären. Hei spillt de Champion Déifferdeng géint de Coupe-Gewënner Esch.
De Livestream gëtt vun ApartTV produzéiert.
Den éiscchte Weekend am September start déi nei Saison am Championnat. De Programm fannt Dir op RTL.lu. Och dës Saison ginn d'Matcher nees an der RTL Live Arena um RTL Play iwwerdroen.
