D'Lëtzebuerger Nummer 1 am Tennis muss also an den USA net duerch d'Qualifikatioun.

A ronn 6 Woche fänkt zu New York de 4. an domat och leschte Grand-Slam-Tennis-Tournoi vun der Saison un. E Freideg koum d'Bestätegung, datt d'Mandy Minella als aktuell Nummer 102 an der Weltranglëscht bei de US Open de Sprong direkt an den Haapttableau gepackt huet. Dëst Joer ass et esou just duergaangen, virun 12 Méint war dat nach anescht. D'Mandy Minella huet den Haapttableau nämlech ëm eng Plaz verpasst an dat well eng Spillerin trotz Blessur sech net zeréckgezunn hat.

AUDIO: Extrait Mandy Minella

D'US Open fänken de 26. August un. Zu Flushing Meadows koum déi 33 Joer al Spillerin vun der Spora 2010 an 2012 all Kéier bis an den drëtten Tour.

Weider Reaktioune vum Mandy Minella ginn et dann och nach e Sonndeg de Mëtteg an der Sportemissioun op RTL Radio Lëtzebuerg.