Dës Woch ginn am nationalen Tennis bei den FLT Masters 2022 nees déi bescht Tennisspiller an Tennisspillerinne gesicht.

Am fréien Owend sinn d'Finallen am Dubbel gespillt ginn. Bei den Häre kennen sech de Charles Berna & Noé Plique mat 7:6, 3:6 a 10:5 géint de Gilles Kremer & Robi Tholl duerchsetzen a gewannen domat den Titel am Dubbel.

E Sonndeg um 16 Auer ass et dann un der Dubbelfinall vun den Dammen. Hei heescht den Duell Erna Brdarevic / Tatiana Silbereisen géint Amélie Weckerle / Marie Weckerle.

Am nationalen Tennis Center stoungen e Samschdeg Mëtteg dann och nach d'Halleffinalle bei den Hären an den Dammen um Programm.

Bei den Hären huet sech an der 1. Halleffinall de Christophe Nickels mat 7:5 a 6:3 géint de Robi Tholl konnten duerchsetzen a steet domat e Sonndeg an der Finall. Am zweete Match gewënnt de Gilles Kremer mat 2:6, 7:5 a 6:1 géint de Charles Berna.

Tatiana Silbereisen konnt sech bei den Dammen fir d'Finall qualifizéieren. De Match géint Claudine Schaul ass mat 4:6, 6:1 a 6:2 gewonne ginn. An der Finall kritt Tatiana Silbereisen et mam Marie Weckerle ze dinn. Sie konnt hire Match mat 6:3 a 7:5 géint Liz Baddé wannen.

D'Finalle ginn um Sonndeg gespillt.

Hei fannt Dir déi komplett Resultater.

Klickt op d'Bild, fir op de ganzen Dossier ze kommen.

Andréck vun den FLT Masters 2022