D’Plainte vun der Ëmweltschutzorganisatioun Greenpeace géint de Wirtschafts- an Energieminister Jeannot Krecké gouf vum Verwaltungsgeriicht ugeholl.

D'Energie-Entreprisen Enovos & Creos ginn als „partie tièrce" zougelooss. Greenpeace fuerdert, dass de Minister der Cegedel hir sougenannte „Netzstudie" publizéiert well doranner wichteg Informatioune wiren iwwert d'Energie-Strategie zu Lëtzebuerg.

De Minister huet bis elo argumentéiert, hie kéint dës privat Etude vun der Cegedel net verëffentlechen.

De 24. September sinn elo nei Plädoyeren um Geriicht.

E puer Deeg drop gëtt sech dan eng Decisioun erwaart.