Dëst huet de Veräin e Freidegmëtteg op sengem Veräinsinternetsite public gemaach. Den 39 Joer ale Serb Milos Milojevic, deen de Veräin ufanks des Jores iwwerholl huet an d’schwedesch Coupe gewannen konnt, dierf sech deemno en neie Veräi sichen. Dëst nodeems Malmö e Mëttwoch komplett iwwerraschend géint Zalgiris Vilnius an der Champions League-Qualifikatioun rausgeflunn ass.
Et ass probabel, datt géint Diddeleng nach keen neien Trainer un der Säitelinn stoe wäert. Bis dohi wäert den Andreas Georgson, de Sportdirekter, d’Ekipp trainéieren.
