Weltwäit wäerte ronn 138 Milliarden Dollar mat Videospiller gemaach ginn

Vir dat ganzt kuerz ze verdäitlechen, hei e klenge Verglach. 2017 huet d'Museksbranche ronn 17 Milliarden Dollar ëmgesat, d'Filmbranche louch bei tëscht 30-40 Milliarden Dollar. Rechent een déi zwou Branchen zesummen, kënnt ee mol net op d'Halschent vun deem, dat Gaming-Branche eleng realiséiert huet. An am Contraire zu der Museksbranche zum Beispill, wiisst d'Gamingbranche vu Joer zu Joer massiv. 13,3% ass den Ëmsaz am Verglach zum Joer virdru geklommen.

2018 sinn da fir déi éischte Kéier d'Appen, also de mobille Gaming-Marché, vir d'Majoritéit vum Ëmsaz responsabel. Am Verglach zu 2017 ass de Marché vu Spiller op Smartphonen a Tablets ëm 25,5% op ganzer 51% geklommen, wat gutt 70 Milliarden Dollar am Ganze bedeit.

A ganz Europa rechent ee mat engem Klamme vun de Verkeef vu ronn 8,8%, Däitschland läit an der EU op der Nummer 1, mat engem Ëmsaz vu 4,69Milliarden Dollar, ronn 1 Milliard Dollar méi wéi virdrun. Weltwäit läit iwwregens China op der Nummer 1, dat mat bal 38 Milliarden Dollar. Dono kommen d'USA, Japan, Südkorea an Däitschland.

Hei déi 1 gréisste Marchéen op der Welt - Stand: Juni 2018