En Ausfluch an d'Literatur vu Japan

Japan ass e grousst Thema an de Bicher vun der Amélie Nothomb, si huet en Deel vun hirer Kandheet do verbruecht. Et ass e Land dat faszinéiert, wéi och de Lëtzebuerger Schrëftsteller Robert Weis bezeie kann. Mat "Retour à Kyoto" an "Yamabushi - la sagesse des montagnes" huet hie schonn zwee Bicher erausbruecht an deenen hie seng Reesen a Japan verschafft. Grond genuch fir de Jérôme an d'Bea fir sech an der neister Episod vun hirem Podcast "BicherLies" mam Land vun der opgoender Sonn ze beschäftegen!

An hei d'Recommandatioune vum Amélie Nothomb:

Amélie Nothomb : Il faut lire tous les auteurs japonais. Bon, il faut surtout lire les trois grands classiques Mishima, Kawabata et Tanizaki, c’est vraiment le trio de base. Il y a un livre de Tanizaki qui est très important, il s’appelle « Eloge de l’ombre ». Si on veut vraiment comprendre ce qu’est la spécificité japonaise, il faut lire « Eloge de l’ombre » de Tanizaki. Vraiment c’est lui qui a trouvé la meilleure définition du Japon.
Do sinn de Robert Weis an d'Amélie Nothomb sech jo gréisstendeels eens!

Nodeems de Jérôme an d'Bea vun deenen zwee haaptsächlech Klassiker aus der japanescher Literatur recommandéiert kruten, wollte si sech awer och iwwer déi rezent Publikatiounen aus Japan informéieren. Am Podcast erzielen si wéi eng Bicher si gelies hunn a wéi eng dovun hinnen am beschte gefall hunn.

Iwwer dës Bicher gëtt (ënner aneren) am Podcast geschwat:
"Die Stadt und ihre ungewisse Mauer" Haruki Murakami (Dumont)
“Schwindende Welt” Sayaka Murata (Aufbau Verlag)
"Under the Eye of the Big Bird“ Hiromi Kawakami (Soft Skull Press)
"Tokyo Sympathy Tower"  Rie Qudan (Hoffmann und Campe)
"Das Gelbe Haus“ Mieko Kawakami (Dumont)
"HEN NA E. Seltsame Bilder" Uketsu (Lübbe)
"Hunchback" Saou Ichikawa (Ecco Verlag)
"Der Hase im Mond" Milena Michiko Flasar (Verlag Klaus Wagenbach)