Zanter 2015 huet d'Schauspillerin, déi just 53 Joer al gouf, géint de Kriibs gekämpft.

Wéi verschidden US-Medien mellen, wier d'Actrice, déi aus "Charmed" oder "Beverly Hills, 90210" bekannt war, den 13. Juli un de Suitte vun hirer Krankheet gestuerwen.

2015 hat si eng éischte Kéier d'Diagnos Broschtkriibs kritt an no zwee Joer hat si matgedeelt, datt d'Erkrankung géif zeréckgoen. Am Februar 2020 du gouf ëffentlech gemaach, datt d'Krankheet nees zeréck wier, dëst d'Kéier am Stadium 4. Enn September vum selwechte Joer huet si an engem Interview gesot, datt de Kriibs sech nach weidergebilt hätt an elo net méi ze heelen wier. Am Juni 2023 huet si matgedeelt, datt d'Krankheet elo och d'Gehier befall hätt a fënnef Méint méi spéit hat et och hir Knachen ugegraff. Den 13. Juli 2024 huet d'Shannen Doherty de Kampf géint de Kriibs verluer.

Nieft der Schauspillerei huet sech d'Doherty och sozial engagéiert. Haaptsächlech fir Projete fir den Déiereschutz huet si sech staark gemaach oder agesat, dat ënner anerem bei Sea Shepherd.