Zanter 2003 vergëtt d'Stad Lëtzebuerg dëse Präis all Joer fir de besonneschen Engagement a Saache Chancëgläichheet tëscht Mann a Fra.

De Präis ka souwuel un eng Persoun, wéi och un eng Associatioun oder e Grupp goen.

Dëst Joer hunn d'Stater Buergermeeschtesch an de Schäfferot de Präis, dee mat 3.000 Euro dotéiert ass, un d'Asblen "Taboo" a "Les Voix des Survivant(e)s" verginn. Bei der Präisiwwerreechung an der Stater Gemeng waren d'Presidentinne vun "Taboo" an "Les Voix des Survivant(e)s" present, d'Anne Metzler an d'Ana Pinto, fir d'Éierung unzehuelen.