Déi franséisch Actrice Juliette Binoche wäert dëst Joer de Jury presidéieren.

Dat gouf um Dënschdeg de Moien offizialiséiert. Déi 60-Joer-al Oscar-Gewënnerin hat hiren éischten Optrëtt op der Croisette viru genee 40 Joer.

D'Juliette Binoche ass eng vu wéinege Schauspillerinnen, déi bei den 3 wichtegste Filmfestivaler an Europa ausgezeechent gouf: zu Cannes, Venedeg a Berlin. Fir hir Roll am Krichsdrama "Der Englische Patient" aus dem Joer 1996 krut si en Oscar fir déi beschten Nieweroll.

Déi aner Membere vum Jury mussen nach designéiert ginn.