Nieft der Frankfurter Buchmesse am Hierscht ass d'Leipziger Buchmesse am Fréijoer vum 27. bis den 30. Mäerz 2025 ee vun de wichtegste Rendez-vousen am Kalenner vun der Buchbranche.

Och Lëtzebuerg ass dobäi: fir d'drëtt Joer hannerteneen ass eist Land mat engem Stand present. 6 Lëtzebuerger Editiounshaiser si vertrueden: Black Fountain Press, Capybarabooks, Éditions Guy Binsfeld, Hydre Éditions, Kremart Editions a Point Nemo Publishing presentéieren hir Bicher virun engem internationale Public.

Et ginn och zwee Evenementer mat Lëtzebuerger Participatioun:

Premierenlesung: Jede Jahreszeit ist schön – Gedichte für Frühling, Sommer, Herbst und Winter
Mëttwoch 27. Mäerz um 19h00 am Reclam-Musée zu Leipzig.

Hei liest ënner aneren déi Lëtzebuerger Lyrikerin Chris Lauer aus hire Wierker.

E Samschdeg 29. Mäerz um 21h00
Lesung und Gespräch: Von Umbrüchen, Visionen und verborgenen Welten: Literarische Erkundungen
Mat: Margret Steckel (vertrueden duerch d'Nathalie Jacoby, Directrice vum Centre national de littérature), Luc François, Bernd Marcel Gonner
Moderatioun: Andi Hörmann, Journalist
Plaz: die NaTo – Leipzig

Gaaschtland vun der Leipziger Buchmesse 2025 ass Norwegen.

Mat Spannung ginn och d'Nimm vun de Gewënner vum Preis der Leipziger Buchmesse erwaart. 15 Auteur(innen) sinn an de Kategorien Belletristik, Sachbuch/Essayistik an Übersetzung nominéiert.