De belsche Kënschtler David Clärbout weist fir di éischte Kéier seng Wierker an enger Eenzelausstellung hei zu Lëtzebuerg.

Wéi gesäit d’Liewe vun de pensionéierten Déieren aus dem Djungelbuch aus? Wat geschitt, wann een e Villchen an eng Kaz an eng Këscht setzt? A wéi kann een en Dréibuch vun 13 Joer schreiwen?

Vill absurd Froen, di awer an der aktueller Expo an der Konschthal visuell beäntwert ginn. Gewise gëtt dat ganzt anhand vu monumentale Videoen, an dat net just vun der Gréisst mee och vun den Dureeën.