E Sonndeg den 18. Mee ass den Tunnel Markusbierg op der A13 vu 5 Auer moies bis ongeféier 21 Auer owes a béid Richtunge fir den Trafic gespaart.

Wéi d'Ponts et chaussées matdeelen, géing een den elektromechaneschen Ekipement am Tunnel wiesselen, wouduerch dëse fir déi Zäit gespaart muss ginn.

Wien a Richtung Däitschland wëll fueren, gëtt vum Echangeur Munneref un iwwer d'N16, d'N2, d'N10 an den Echangeur Schengen geleet.

De Verkéier a Richtung Esch-Uelzecht gëtt iwwerdeem vum Echangeur Schengen un iwwer d'N10, d'N2, d'N13, d'N16 an den Echangeur Altwis deviéiert.

RTL