RTL - A wat ass dat?: Kromm Linn fir duuss Mobilitéit zu Keel-Téiteng

Wat op den éischte Bléck no engem schlechte Witz ausgesäit ass Realitéit. Dës Stroosselinn ass net duerch en Accident entstanen, mee express schif a kromm.

Vun engem Lieser si mir op dës kromm Linnen opmierksam gemaach ginn. Et ass am Park tëscht Keel an Téiteng.

De Gemengepapp Jean Weiler erkläert op Nofro, dass dës express esou agezeechent goufen.

Et ass en éischten Test, fir déi duuss Mobilitéit an der Gemeng ze fërderen.

Kromm Linn fir duuss Mobilitéit zu Keel-Téiteng

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Zick-Zack fir de Foussgänger duerch d'Gemeng ze leeden

Déi éischt Linn, déi elo agezeechent gouf, wier en Test. Et wier net als Trennung geduecht, mee fir d'Foussgänger duerch d'Uertschaft ze féieren. D'Gemeng Keel-Téiteng hätt vill flott Plazen, esou de Buergermeeschter. Piktogrammer géifen an den nächste Wochen nach dobäikommen an esou de Leit hëllefen, d'Konzept besser ze verstoen.

D'Kanner géife sech zum Deel um schife Stréch ameséieren, mat der Trottinett drop fueren. Deen een oder anere Vëlosfuerer fënnt et "egal wat" an huet och schonn op der Gemeng reklaméiert.