Ganzer 55,7 Prozent, e Plus vu 14,1, ka sech d'LSAP an der Gemeng Stengefort sécheren.

D'CSV verléiert 11 Prozent a kënnt nach op 23,8 Prozent. Déi Gréng falen op 10,7 an d'DP klëmmt op 9,8 Prozent.

Sammy Wagner huet Score méi wéi verduebelt

Déi meeschte Stëmme krut den LSAP-Buergermeeschter Sammy Wagner mat 2.407, dee säi Score vun de leschte Wale méi wéi verduebele konnt. Dohannert komme seng Parteikolleege Marianne Dublin-Felten (1.973) an de Guy Erpelding (1.470).

Dat ganzt Resultat vu Stengefort fannt der op eisem Walsite.