Dës Pipeline, déi och de Lëtzebuerger Findel beliwwert, gouf direkt bei der Lëtzebuerger Grenz bei Kontrollaarbechte vum däitschen TÜV beschiedegt.

30 000 Liter Kerosin sollen dobäi ausgelaf sinn. Et wier kee Mënsch dobäi ze Schued komm an et géif och keng Gefor ginn fir d'Awunner ronderëm, heescht et vun däitscher Säit.

D'Pipeline gehéiert zu engem europawäite System vun der Nato, mat deem Flughäfen an der Ëmgéigend mat Kerosin versuergt ginn.

Op eis Nofro hin heescht et vu Luxairport, datt den Incident bis ewell keen Impakt op de Findel huet, et kéint een och op Reserve vu Kerosin zréckgräifen, et wier een awer a permanentem Kontakt mat den zoustännegen Autoritéiten.

RTL

Barrièren an der Sauer tëscht Iechternach a Rouspert

Zejoert ewell war d'Nato-Pipeline (Ceps) an den Nouvellen.

Duerch d'Héichwaasser am Juli gouf et eng Stéierung vun der Installatioun op däitscher Säit bei Iechternacherbréck. Et goufe sech deemools Suerge gemaach ëm d'Liwwerung vum Kerosin, dee via dës Leitung fir de Findel assuréiert gëtt. All d'Vollen konnten awer deemools starten. D'Ceps-Pipeline ass e Reseau vun 5.000 laangen Leitungen, déi d'Nato fir d'Alimentatioun vun hire Fliger-Base benotzt.

Nieft de Militärfluchhäfe ginn awer och d'Fluchhäfen um Findel, Bréissel oder Amsterdam mat Kerosin beliwwert.

RTL