Ausseminister erkläert Lëtzebuerger Positioun um EU-Conseil zu Bréissel

Wéi de Xavier Bettel hofft, kéint dës Unerkennung an nei Dynamik a méiglech Friddensverhandlungen erabréngen, och wann den DP-Minister u sech weess, datt souwuel Israel wéi och Hamas kee Fridde wëllen.
 
De Lëtzebuerger Diplomatie-Vertrieder um Dënschdeg de Moien zu Bréissel virun der internationaler Press, éier den EU-Conseil vun den Ausseminister ugefaangen huet:

"Wir haben gestern im luxemburgischen Parlament auch mit dem Regierungschef angekündigt, dass wir nächste Woche Palästina anerkennen möchten als luxemburgische Regierung. Es ist kein einfacher  Schritt. Aber man sieht, dass, wenn wir alles in den Händen der Hamas und der israelischen Regierung lassen, dass dann überhaupt nichts passiert. Mit einer israelischen Regierung, die jetzt, wenn ich recht mitbekommen habe, auch wieder eine Offensive auf Gaza momentan macht. Und mit einer Hamas, die sind terroristische Organisationen, die wollen überhaupt keinen Frieden. Die  leben von Ärger und von Durcheinander. Und wenn es eine Zwei-Staatenlösung gibt, das wär auch nicht gut für den Hamas. Deswegen sollten wir es auch tun."

Trotz datt eng UNO-Enquête-Kommissioun der Meenung ass, datt Israel mat senge Militär-Attacken e Genozid an der Gaza-Regioun mécht, ass Däitschland net gewëllt, den Associatiounsvertrag mat Israel opzeginn.

Wéi den Europastaatsminister Gunther Krichbaum zu Bréissel sot, géif Däitschland méi schaarf Sanktioune géint Israel weider blockéieren - d'Gespréichskanäl missten opbleiwen, sou de Berliner Vertrieder, deen op d'Responsabilitéit vun der radikal-islamescher Hamas higewisen huet, déi net prett fir e Fridde wier.