Wéi déi däitsch Police mellt, koum et e Samschdeg zu engem uergen Accident mat 3 deels schwéier Blesséierten op der L46 tëscht Herforst an Zemmer.

Géint 14.25 Auer soll et deemno am Beräich vun der Kräizung a Richtung Speicher zu der Kollisioun tëscht den zwee Autoe komm sinn, vun deenen een zu Lëtzebuerg zougelooss ass. 3 Persoune goufen dobäi deels uerg blesséiert.

Fir d'Ursaach vum Accident ze klären, huet den Tréierer Parquet eng Expertis ordonéiert.

D'L46 war am Beräich vun der Kräizung a Richtung Speicher an der Kräizung a Richtung Zemmer Rothaus komplett gespaart.

Nieft de Rettungsdéngschter vu Bitburg an Zemmer war och de Rettungshelikopter aus Lëtzebuerg um Asaz.

© Agentur SIKO via Input-Presse
© Agentur SIKO via Input-Presse
© Agentur SIKO via Input-Presse
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.