An der neister Erweiderung vun der KI-Sproochefirma DeepL gouf Lëtzebuergesch an de Service vun hirem Online-Iwwersetzer mat bäigeholl. Domadder deckt DeepL elo méi wéi 100 Sproochen of, dorënner och déi 24 offiziell Sprooche vun der Europäescher Unioun.
An engem Communiqué huet d’Firma matgedeelt, datt déi rezent Erweiderung eng 80 Sproochen ëmfaasst, dorënner och Afrikaans, Islännesch an Iresch.
D’Aféierung vu Lëtzebuergesch – am Moment nach an der sougenannter Beta-Phas – beschreift d’Firma als Hëllef fir Organisatiounen am Grand-Duché, déi elo kéinten op “héich-präzis KI-Iwwersetzungen” zeréckgräifen. Weider gëtt argumentéiert, datt de neie Service lokale Firme géing hëllefen, besser mat der internationaler Konkurrenz kënne matzehalen, déi scho méi laang op präzis Online-Iwwersetzunge kënnen zeréckgräifen.
