D’Organisateure vum Klima-Marsch vun e Freideg reegen sech driwwer op, dass hire Protest vun der Politik mëssbraucht gi wier.

Via Facebook huet „Youth for Climate Luxembourg“ d’Piratepartei attackéiert, a reprochéiert hinnen, dass een am Virfeld déi politesch Parteien opgeruff hätt, sech bei der Marche w.e.g kleng ze halen, an hannen matzegoen, ouni Fändelen oder Banneren. Dee Wonsch wier awer mat Féiss getrëppelt ginn.

Ee vun de Riedner um Knuedler wier nämlech Kandidat fir d’Europawahlen op der Lëscht vun der Piratepartei, an dës hätt och e Video vun där Ried mam Partei-Logo op de soziale Netzwierker publizéiert.

Et wier also e parteipoliteschen Optrëtt gewiescht an net een a privaten Numm, wat een net wéilt toleréieren.

Et wier eng Schülerbeweegung, eng Jugendbeweegung gewiescht, an dat sollt een w.e.g respektéieren, heescht et op Facebook.

D'Piratepartei huet sech entschëllegt um Sonndeg den Owend. Iwwerdeems hätt hiren Europakandidat keng Logoen ugehat an huet seng Partei net a senger Ried ernimmt. Den Organisateure wier bekannt gewiescht, datt et sech ëm ee Pirat handelt.

7.500 Schüler fir d'Police, bis zu 15.000 fir d'Organisateuren

Nom Motto "Friday's for Future" hu sech e Freideg d'Schüler weltwäit fir méi e séiert Anhale vun de Klimaziler mobiliséiert - och zu Lëtzebuerg.

15.000 Leit den Organisateuren no, bis zu 7.000 soen d’Autoritéiten: De Klimamarsch huet e Freideg zu Lëtzebuerg vill Leit mobiliséiert. D’Schülerinnen an d'Schüler, déi d'Coursen tëscht 10 an 11 Auer verlooss hunn, hu sech um Glacis getraff, iert et duerch de Park an d’Stad op de Knuedler gaangen ass. Tëschefäll gouf et keng an et wier och kee Knascht gemaach ginn, sou d’Police.

AUDIO: Demo fir de Klima: Rep. Tim Morizet

De Message vun den Demonstranten un d'Politik war: "D'Klimakris muss wéi eng Kris behandelt ginn." Et kéint een net méi waarden a kucken, wéi de Klima weider zerstéiert gëtt. Wéi d'Banke virun 10 Joer hu misse gerett ginn, wieren och ganz séier vill Sue mobiliséiert ginn.

Youth for Climate: Kontext vun der Klima-Maniff
An e sëlleche Stied weltwäit gouf e Freideg dofir manifestéiert, méi séier Moossnamen ze ergräifen, fir de Klima ze schützen - och zu Lëtzebuerg.
Youth for Climate: Stëmmungsbild vun der Klima-Maniff
Wat soen déi, déi e Freideg an der Schoul "gestreikt" an dofir fir de Klima demonstréiert hunn?

D'Organisateure vun der Demo, "Youth for Climate", sote sech impressionnéiert vun der Zuel u Lei,t déi matgemaach hunn. Den Elie Sinner sot: "Mir wäerten net ophale mat dëser Aktioun, mä mir soen och net, dat wäert elo all Freideg sinn." Et wier nach näischt konkret fir d’Suite virgesinn, mä vläicht géing et jo schonn en Reaktioun vun der Regierung ginn, sou de jonken Aktivist.

De Kimon Leners vun den Organisateure sot op d'Fro, ob een dann och genuch Kaméidi geschloen hätt, fir datt der neier Generatioun nogelauschtert gëtt: "Ech wëll wierklech hoffen. Mir sinn hei ëmzingelt vu Politiker a Leit, déi an der Chamber sëtzen. Ech mengen, mir hu genuch Lautsprecher a Kaméidi gemaach, fir datt och aner Erwuessener wakereg ginn a wëssen, dass et eis egal ass, ob mer freides oder samschdes streike ginn. Mir gi streiken, well et eis wichteg ass."

VIDEO: Éischt Temoignagen
De Pierre Weimerskirch huet mat Manifestante geschwat.

Demoe goufen et e Freideg an iwwer 100 Länner. Initiéiert gouf d’Beweegung duerch d’schwedesch Aktivistin Greta Thunberg.

Schreiwes vun der Regierung

Le gouvernement est sensible aux arguments des participants à la marche pour le climat (15.03.2019)

Communiqué par: ministère d'État

Le gouvernement salue l'engagement des jeunes contre le changement climatique.

La mobilisation massive des jeunes aujourd'hui en faveur de la préservation de notre planète fait preuve de l'engagement et de la détermination des jeunes citoyens pour leur avenir et celui des générations suivantes.

Le gouvernement est sensible aux arguments des jeunes et à leur mobilisation et les soutient dans leur engagement parce qu'il est persuadé que les actions en faveur de la protection du climat doivent être menées dans tous les domaines et par tous les acteurs de notre société, dont les jeunes.

Le gouvernement n'a pas attendu ce mouvement pour prendre des initiatives en faveur de la protection du climat.

Le 8 février 2019, le conseil de gouvernement a adopté le projet du plan national intégré climat et énergie, plan ambitieux qui définit les objectifs du Luxembourg en matière de réduction de CO2, d'énergies renouvelables et d'efficacité énergétique à l'horizon 2030. L'amélioration de l'efficacité énergétique et la promotion des sources d'énergies renouvelables constituent les fondements de la politique climatique luxembourgeoise et de la transition énergétique. Le plan prévoit ainsi une réduction des émissions de gaz à effet de serre, un objectif compris entre 50% et 55% en 2030 par rapport à 2005, une politique de réduction continue en matière des ventes de carburants, une nouvelle mobilité favorisant les transports en commun et l'électromobilité de même qu'une amélioration de l'efficacité énergétique des bâtiments et une hausse de la production des énergies renouvelables.

Ce plan prévoit également une participation de la population à l'enjeu de la protection du climat, qui se fera entre autres sous forme d'une consultation publique. Ces consultations seront également organisées au sein des établissements scolaires et permettront aux jeunes d'entrer dans un dialogue constructif avec les membres du gouvernement au sujet de la question du réchauffement climatique et des mesures à adopter pour freiner ce dernier.

Klima-Maniff: Andréck vum Freideg de Moien
Impressiounen aus der Stad vum Roland Miny. - Ambiancebiller.

Vun 13.15 un Auer hu sech d'Schüler um Knuedler versammelt

VIDEO: Situatioun um 13.15 um Knuedler
De Point mam Pierre Weimerskirch
VIDEO: D'Schüler ergräifen d'Wuert.
Video vum Pol Frieden aus dem Sportlycée
VIDEO: Ambiance um Knuedler
Video vum Pol Frieden aus dem Sportlycée.

Géint 12.30 Auer ass et vum Glacis Richtung Knuedler gaangen

© Domingos Oliveira/RTL

VIDEO: Klimamarsch (Boulevard Royal)
Ambiance

De Cortgège ass géint 12.45 um Boulevard Royal ukomm. / © Sidney Scho

Rendez-vous um 12 Auer um Glacis - virdru Workshoppen

© Domingos Oliveira

VIDEO: Éischt Biller vun der Plaz.
Ambiance um Glacis
VIDEO: Schüler streike fir de Klima
Impressiounen vun der Maniff um Glacis!
VIDEO: Klima-Streik - Situatioun um 12 Auer
D'Schüler vum Geesseknäppche kommen um Glacis un.

Europaschoul verbitt de Schüler Streik

Eng vun den Organisatricen a Schülerin an der Europaschoul huet am Gespréich mat de Kollege vun RTL5minutes erkläert, dass d'Direktioun am Lycée um Kierchbierg hire Schüler de Streik verbueden hätt. Si géinge sech dovun awer net ofhale loossen, fir bei der Manifestatioun um Glacis dobäi ze sinn. Wéi vill Schüler aus der Europaschoul am Endeffekt matgemaach hunn, war net gewosst.

Den Detail an eisem Artikel op RTL5minutes

Autoen ofgeschleeft

De Glacis war wéinst der Maniff deels ofgespaart. Verschidden Automobilisten haten dat wuel net matkritt. Hir Autoe goufen um Freideg de Moien ofgeschleeft.

Weltwäit Aktioun

An d'Liewe geruff gouf déi weltwäit Aktioun vun der 16 Joer jonker Schwedin Greta Thunberg, déi am Kader vum Weltfraendag an hirer Heemecht zur wichtegster Fra vum Joer ausgeruff gi war.

Schonn am August 2018 huet déi jonk Aktivistin zu Stockholm virum Parlament fir e méi staarke Klimaschutz demonstréiert. Wochelaang souz déi Jugendlech virum Parlament, bis am September e Freidesstreik draus gouf. Vill aner Klima-Aktiviste sinn hirem Beispill nogaangen a séier gouf mat Hëllef vun de sozialen Netzwierker d'Initiativ #FridaysForFuture an d'Liewe geruff. Iwwer WhatsApp, Instagram etc hu sech d'Schüler iwwerall op der Welt matenee vernetzt an dausende Schüler goufen zum Streik inspiréiert.

Iwwer d'Plattform "Youth fir Climate" hu sech d'Schüler hei am Land mobiliséiert. Ënnerstëtzt gouf ee vun all de Jugendparteien ausser Adrenalin an de jonke Kommunisten.

A punkto Sécherheet hate sech d'Schüler awer e bësse eleng gelooss gefillt. Dat hat een an der RTL-Emissioun "Kloertext" e Mëttwoch den Owend eraushéieren. Op Nofro, wéi een déi sëlleche Schüler op de Glacis bekéim, hätt et just geheescht, si sollten op den ëffentlechen Transport zeréckgräifen an um Trëttoir bleiwen, wa se zu Fouss ginn. Op nationalem Plang hätt een den Accord kritt, fir vum Glacis aus ze streiken - fir dann awer ze soen, kuckt selwer nom Transport fir dohin, hunn d'Schüler irresponsabel fonnt.

Vun offizieller Säit gouf dës Klo awer gehéiert an d'Autoritéiten hate mat Zäite reagéiert: D'Zuchverbindunge goufen e Freideg de Moie verstäerkt an d'Buslinne verduebelt, fir d’Schülerinnen a Schüler op de Klimamarsch ze bréngen.

D'Police hat d'Stroossen ofgeséchert respektiv gespaart.

9.30 Auer - De Glacis preparéiert sech. / © Domingos Oliveira/RTL

Ministere begréissen Initiativ

Wat d'Mobilisatioun hei am Land ugeet, begréissen d'Ëmweltministesch Carole Dieschbourg an den Energieminister Claude Turmes allebéid den Engagement vun deene Jonken. Béid Minister weisen drop hin, dass d'Urgence am Klimaschutz grouss ass.

Wéi RTL aus dem zoustännege Ministère gesot krut, sollen déi Jonk beim Ausschaffe vum nationalen Klima- an Energieplang kënne matschwätzen. Dëse Plang soll bis d'Enn vum Joer mat ambitiéisen Ziler ugeholl ginn.

Sujet och am Kloertext de leschte Mëttwoch

VIDEO: Kloertext: Schüler streike fir de Klima
Weltwäit streiken d'Schüler nom Motto Friday's for Future. Dëse Freiden och zu Lëtzebuerg. Wéi grouss ass d'Mobilisatioun bei ons? Wat wëllen eis Jonk?