52 Euthanasie goufen zu Lëtzebuerg gemaach, zanterdeem d'Gesetz virun 10 Joer a Kraaft getrueden ass.

E Chiffer, deen am Verglach mam Ausland relativ niddreg ass. Der Association pour le Droit de Mourir dans la Dignité Lëtzebuerg no läit dat engersäits drun, datt d'Leit net genuch informéiert wieren an och net genuch forméiert. Souwuel wat de grand Public ugeet, mä och d'Dokteren an d'medezinescht Personal. Dat sot de Jean-Jacques Schonckert vun der Associatioun e Mëttwoch den Owend am Journal op RTL Télé Lëtzebuerg.

Si verlaangen eng besser Formatioun vun de Leit an eng spezial Struktur, fir déi Leit, déi de Wee vun der Euthanasie wëlle goen. D'Gesetz, dat virun 10 Joer a Kraaft getrueden war, hat fir vill hëtzeg Diskussioune gesuergt tëscht Euthanasie-Géigner an deenen, déi dofir sinn, och um politeschen Niveau. Et war jo souguer souwäit gaangen, dass de Grand Duc d'Gesetz net ënnerschreiwe wollt an hien als Suite dovunner seng Rechter per Verfassungsreform ageschränkt krut.