Dausende vu Messagen op alle méiglechen digitale Weeër weisen, wéi beléift de fréiere Staatschef war - an ass.
Hien huet d’Land a seng Leit markéiert, d’Kondolenzbuch op RTL.lu an och d’Kommentaren an d’Posten an de soziale Medien, grad ewéi d’Artikelen an der geschriwwener Press vum Mëttwoch weisen dat.
Virop an eisen Nopeschlänner gouf iwwert den Doud vum Grand-Duc Jean geschriwwen.
Op den Internetsäite vun de Lëtzebuerger Medie gëtt un e grousse Staatsmann erënnert. A vill Momenter aus sengem Liewe ginn erzielt. Och op Twitter a Facebook hu ganz vill Leit hiert Matgefill ausgedréckt. Op Twitter virop Politiker.
An nieft der Lëtzebuerger Press huet och déi international Press iwwert de Grand-Duc Jean geschriwwen.
